CTB-ek informatzen du

05/02/2016

Barik txartela % 1,5 gehiago erabili da, eta lehenengo aldiz egin dira 120 milioi balioztatze baino gehiago urtean.

2012ko urrian denentzat aktibatu zenetik, Barik txartelaren erabilera etengabe ari da hazten. 2015ean zehar, Bizkaiko Garraio Partzuergoaren (BGP) kontakturik gabeko euskarriak 120.065.100 bidaiari izan ditu, hau da, 2014an baino 1.753.335 gehiago. Horrela, hazkunde-tasa % 1,48koa izan da.

Txartelaren hedapena eta erabilera bizkaitar guztien artean zabaldu da; izan ere, gaur egun Bizkaiko biztanleak baino Barik txartel gehiago daude: 1.322.243 txartel daude. Eta Bizkaiko “muga” ere gainditu du txartelaren erabilerak. Kopuru orokorrak aintzat hartuta, datu bat azpimarratu behar da: Barik txartelarekin Gasteizko tranbian egin ziren 73.895 bidaiak, Barik, Mugi (Gipuzkoa) eta Bat (Araba) euskarriak Eusko Jaurlaritzaren menpeko garraiobideetan (Gasteizko eta Bilboko tranbiak eta Larreinetako funikularra) erabili ahal izateko akordioari esker egin zirenak.

Iaz, Barik txartelaren erabiltzaileek 11.480.051 aldiz kargatu zuten txartela (94,79 milioi euro) eta 242.560 txartel berri igorri ziren.

Gaur egun 1.322.243 Barik txartel daude; horietako 435.040 pertsonalizatuak dira (245.877 gorriak, Gizatrans) eta gainerakoak, 887.203, anonimoak dira (hauetako 49.259 erregistratuta daude).

Txartela errazago erabiltzeko asmoz, Bizkaiko Garraio Partzuergoak txartela kargatzeko saltoki gehiago prestatu du. Bizkaian guztira 1.130 saltoki fisiko daude txartela kargatzeko, eta lurraldetik kanpo beste 298 saltoki Kutxabank kutxazainetan (87 Araban eta 206 Gipuzkoan). Abendutik aurrera, gainera, Barik ctb.eus webgunearen bidez ere karga daiteke; eta laster sakelako telefonotik ere egin ahal izango da. Bestalde, erabiltzaileek denbora luzeagoan erabili ahal izango dute txartela, BGPk iaz erabaki baitzuen txartelaren indarraldia beste hiru urtez luzatzea (4tik 7 urtera igaroz).

Partzuergoaren kontakturik gabeko txartelarekin Bizkaiko garraio publiko ia guztiak erabil daitezke.

EranskinaTamaina
PDF icon 050216_balantze_barik_eus.pdf28.58 KB
29/01/2016

19 Ikastetxek parte hartu dute Aktibatu+ iraunkortasun programaren laugarren fasean, orain arteko 534 ikasleren parte hartzearen ondoren.

Proiektuaren lehenengo hiru faseetan parte hartu duten 42 ikastetxeek %20ko aurrezpena lorgu dute urteko energia kontsumoan eta 2 tonatan murriztu dituzte CO2 isuriak. Orain arte, 73 udalerrik burutu dute ekimena, bataz beste, 1.500 etxebizitzaren parte-hartzea izanik. Horietan, energia kontsumoa %5,8 eta ur kontsumoa %2,9 murriztea lortu dute, %1,9 hondakin gutxiago sortzea lortu dute eta %1,7 murriztu dituzte CO2 isuriak, mugikortasun arloko ohiturak aldatuz. Laugarren fasea jasoko duten eskualde eta udalerrietako etxebizitzek programan parte hartezeko izen-emate epea irekitu da. Horretarako, tresna simple eta erangikorrak barne hartzen dituen webgune espezifikoa dute eskuragarri. Hartara, udalerri parte-hartzaileen eta mankomunitateen webguneen bitartez sar daiteke webgunean, baita www.bizkaia21.eus webgunearen bitartez ere, Aktibatu+ atalean kontsultatua. Fase bakoitza bukatutakoan, etxebizitzei zuzendutako atalean barne hartzen diren parte-hartzaileek zozketa batean parte hartuko dute eta sari ugari eta askotarikoak jasotzeko aukera izango dute (IPad-ak, bizikletak, landetxeetan egonaldiak, liburu loteak edo bisita gidatuak Bizkaiko leku ezagunetan).

aktibatu

EranskinaTamaina
PDF icon prentsaoharra_16-01-28.pdf201.16 KB
PDF icon folleto_gap_2015-2016.pdf299.17 KB
09/12/2015

BGPk 200 milioiko aurrekontua izango du 2016an, aurtengoa baino %8,26 gehiagokoa.

Bizkaiko Garraio Partzuergoaren (BGP) Kontseilu Nagusia gaur bildu da Bilbon eta onetsi dituen gaien artean, erakundeak datorren urtean izango duen aurrekontua azpimarratu behar da. BGPk 200.002.884 euro izango ditu, tokiko erakundeak bere gain hartutako betebeharrei aurre egiteko. 2016ko kontuak % 8,26 handiagoak izango dira, aurtengoekin alderatuz gero.

Batzar berean, Kontseiluak oniritzia eman dio Metro Bilbao S.A.ren aurrekontuari, 74,5 milioi eurokoa izango dena. Partzuergoak Metro Bilbaoren kontuetara egindako ekarpena 11 milioi eurokoa izango da.

Modu bertsuan, Bizkaiko garraio publikoa koordinatzen duen erakundeko erabaki-organoak Dominion enpresari esleitu dio Bilbo Metropoliko Trenbidearen Sopela-Plentzia tarteko komunikazioen proiektua, 538.757 eurogatik eta 6 hilabeteko epearekin, Urdulizko trenbide-pasagunea lurperatzeko obren baitan.

Bestalde, Bombardier konpainiak komunikazioen plataforma bateratua eskainiko du metro geltokien eta aginte-mahaiaren artean, 485.619 eurogatik eta 9 hilabeteko epearekin.

EranskinaTamaina
PDF icon 151209_aurrekontua_2016.pdf21.04 KB
04/12/2015

BGPk otsailean ezarriko du Barik txartela sakelako telefonoaren bidez modu masiboan kargatzeko sistema.

Hurrengo urteko otsailaren erditik aurrera Barik txartela sakelako telefono adimentsuen bidez kargatu ahal izango da. BGPk kargatzeko milaka toki gehitzeko aukera emango duen sistema bat ezarriko du, 740 erabiltzailez osatutako talde batek uztailaren erditik sakelako telefonoetarako aplikazio bat probatu eta proba hori ondo atera ostean. Aplikazio berriari esker, erabiltzaileak edozein Barik kargatu ahal izango du, nahi beste aldiz, edozein tokitatik eta eguneko edozein ordutan. Edozein toki geografikotik eta txartelak kargatzeko toki finko batera joan beharrik izan gabe gehitu ahal izango du erabiltzaileak txarteleko saldoa, edo erosi ahal izango du Barik txartelari lotutako edozein garraio-txartel.

Beste aldetik, Abenduaren 9etik, asteazkenatik, aurrera Barik txartela BGPren webetik kargatu ahal izango da. Edozein erabiltzailek BGPren webgunean bertan kargatu ahal izango du Barik txartela (anonimoa edo pertsonalizatua), horretarako erregistratu beharrik izan gabe. Webean ordaindu ostean, erosketa egin eta hurrengo eguneko 5:00etatik aurrera egongo da karga hori erabilgarri sisteman; une horretatik aurrera, erositakoa Barik txartelean kargatzeko prest egonda da. Baina karga gauzatu eta Barik txartelean grabatu ahal izateko urrats garrantzitsu bat falta da. Erabiltzaileak txartela kontsultatu beharko du Metro Bilbaoko kargatzeko makina batean, Bilbobus eta Bizkaibuseko kabinetan, kioskoetan, tabako dendetan, eta Barik txartela karga daitekeen merkataritzako establezimenduetan edo bankuko kutzazainetan. Une horretan, webaren bidez erositako txartela Barik txartelean kargatuko da.

EranskinaTamaina
PDF icon 041215_barik_movil_eu.pdf42.49 KB
03/12/2015

"Kargatu Barik NFC sakelako telefonoarekin" izeneko proiektu pilotuan parte hartu dutenen artean sakelako hiru telefono zozketaren emaitza.

BGPko bulegoetan, fede-emaile publikoaren aurrean, abenduaren 27an egindako "Kargatu Barik NFC sakelako telefonoarekin" izeneko proiektu pilotuan parte hartu dutenen artean sakelako hiru telefono zozketaren irabazleak hauek dira:
- Mikel Santamaría Guerrero
- Marta Gonzalo Moja
- Mª Eugenia Moro Abascal.
Sariak ostiralean, abenduaren 4an, emango dira BGPko bulegoetan.

Proiektu pilotuaren lehenengo fasea amaitu ostean, BGPk erabaki du proiektuak aurrera egingo duela. Eraginkor izaten jarraituko du Barik txartelak NFC sakelako telefonoen bidez kontsultatzeko eta kargatzeko zerbitzua.

EranskinaTamaina
PDF icon erabiltzailearen_gida_nfc.pdf2.51 MB
Fitxategi barik_eusk_1.mp49.83 MB
27/11/2015

BGPk datorren asteartean, abenduak 1, jarriko du berriro martxan Metro Bilbaoren Mamarigako Funikularreko zerbitzua.

BGPk ia guztiz amaituta dauzka Mamarigako kanoia zaharberritu eta egokitzeko obrak. Metro Bilbaoren Santurtziko geltokiko sarbide hori itxi egin zen ekainaren 14an, barruan sutea izan zelako. Suak kalte handiak eragin zituen instalazioetan, Abenduaren 1etik aurrera, behar diren egiaztapenak egin eta gero, Santurtziko bizilagunek berriro erabili ahal izango dute funikular automatikoa, dohainik, herriko erdialdetik Mamarigako goi auzorainoko 400 metroko malda gainditzeko. BGPk guztira 1.375.000 euro inbertitu ditu konponketan, eta aseguru etxeak kostu ia osoa bere gain hartu du.

EranskinaTamaina
PDF icon 151127_mamariga_eu.pdf27.6 KB
26/11/2015

BGPk astelehenean hasiko ditu Metroaren Plentziako geltokiaren ondoan dagoen Gurutze Gorriaren eraikina eraisteko lanak.

BGP azaroaren 30ean, astelehenean, hasiko da eraisten "Gurutze Gorriaren eraikina eta 20 taberna" bezala ezagutzen diren higieziñak, Metro Bilbaoren Plentziako geltokiaren ondoan daudenak.
Lanak hiru egun luzatuko dira eta eraitzi ostean, geltokiaren ondoan espazio bat hutsik geratuko denez, Partzuergoak Metro Bilbaoren 1. linearen azken geralekua berritzeko lanak egin ahal izango ditu hurrengo urtean.
Lanek ez dute eraginik izango geltokiaren inguruan. Aste Santutik gaur arte Plentzia eta Sopela geltokien arteko lotura zerbitzua geratzen da geltoki horretan.

EranskinaTamaina
PDF icon 151126_plentzia_eu.pdf37.94 KB
25/11/2015

"Kargatu Barik NFC sakelako telefonoarekin" izeneko proiektu pilotuan parte hartzen dutenen artean sakelako hiru telefono zozketa.

"Kargatu Barik NFC sakelako telefonoarekin" izeneko proiektu pilotuan parte hartzen dutenen artean sakelako hiru telefono zozketatzeko oinarrietan ezarritakoa betez, zozketa azaroaren 27an egingo da, BGPren bulegoetan; 12:30ean, fede-emaile publikoaren aurrean.

Proiektu pilotuaren lehenengo fasea amaitu ostean, BGPk erabaki du proiektuak aurrera egingo duela. Eraginkor izaten jarraituko du Barik txartelak NFC sakelako telefonoen bidez kontsultatzeko eta kargatzeko zerbitzua.

27/10/2015

Unai Rementeriak gaur hartu du Bizkaiko Garraio Partzuergoaren presidentziaren kargua

Ahaldun Nagusia, Unai Rementeria, Bizkaiko Garraio Partzuergoaren (BGP) lehenengo Kontseilu Nagusiko buru izan da gaur goizean, Bilbon. Izan ere, Eusko Jaurlaritzak bera izendatu du Partzuergoko presidente.Basauriko alkatea, Andoni Busquet, Partzuergoko presidente orde aukeratu da.

Bileran, besteak beste, Bizkaiko Foru Aldundiko eta Udaletako ordezkariek dagozkien karguak hartu dituzte Bizkaiko garraio publikoa koordinatzen duen erakundeko erabaki-organo horretan.

BGPn erabakiak hartzen dituen goren organoak hartu duen erabaki garrantzitsuena hauxe da: Bilbao Bizkaia Ur Partzuergoaren Galindoko araztegirako sarbide berria erabiltzeko eta mantentzeko hitzarmen arautzailea onartu du. Sarbide hori Metro Bilbaoren Urbinagako geltokian egin da. Halaber, BGPk lankidetza akordio berri agin du Centro Tecnologico en Logística Integral de Cantabria (CTL) fundazioarekin. Horren arabera, Kantabriako garraio publikoan kontakturik gabeko txartela ezartzeko aholkuak emango zaizkie. Barik txartelaren antzekoa jarriko dute, CTLko arduradunen esanetan, berau eredu "egokia" delako Kantabriako ticketing sistema garatzeko.

EranskinaTamaina
PDF icon 271015_cg_eus.pdf80.92 KB
07/09/2015

Milioi erdi erabiltzailek luzatu dute dagoeneko Barik txartelaren iraungitze-data.

Ostegunera arte, hau da, irailaren 3ra arte 493.587 Barik txartelen iraungitze-data luzatu da 4tik 7 urtera, baina guztira 1.275.499 txartel daude. Bizkaiko Garraio Partzuergoak (BGP) uztailaren 13an aktibatu zuen Barik txartel guztien (anonimoen edo pertsonalizatuen) indarraldia aldatzeko aukera. Eta orain ohartarazi du astelehenean, irailaren 14an, hasiko direla iraungitzen Partzuergoak proba pilotua egin zuenean erabiltzen hasi ziren lehenengo txartelak. (Sistemako zaharrenak).

Hori ez gertatzeko, lehenengo txartel horien erabiltzaileak – BGPk 28.000 txartel atera zituen, doan, 2011ko irailean, sistemaren funtzionamendua probatzeko- eta oraindik indarraldia luzatu gabe duten beste guztiak iraungitze-data alda dezakete, Bizkaiko garraio publikoaren sareko 500etik gora tokitan: Metro Bilbaoko makina automatikoetan, Bizkaibus eta Bilbobuseko kabinetan, tabako dendetan, kioskoetan eta merkataritza lokaletan, sistemari atxiki bazaie. Erabiltzaileak toki horietako batera joan behar du Barik txartela iraungitzeko eguna baino lehen.

EranskinaTamaina
PDF icon 070915_iraungitze-data_barik_eu.pdf40.14 KB
16/07/2015

Garraio Partzuergoak proba pilotua hasiko du Barik txartela sakelako telefonotik kargatzeko

Barik txartel pertsonalizatuak (argazkidunak) edo erregistratuak dituzten bezeroak aukeratuko ditu BGPk, eta haiekin “app” berri bat probatuko du 4 hilabetean zehar. Android 4.0 sistema eragilea edo berriagoa eta NFC teknologia dituzten sakelako telefonoentzat izango da aplikazioa.

Bizkaiko Garraio Partzuergoak (BGP) gaur bertan hasiko du Barik txartelak sakelako telefonoaren bidez kargatzeko proba pilotua. Oraingoz, sistema probatuko duten erabiltzaileak bila dabil BGP, baina urtea amaitu baino lehen modu masiboan erabili ahal izango da. Proba egingo duen taldean sartu nahi duten boluntarioek Barik pertsonalizatua (argazkiduna) edo erregistratua eduki behar dute; horrez gain, haien sakelako telefonoak NFC teknologia eduki behar du, eta telefono horren sistema eragilea Android 4.0 edo berriagoa izan behar da.

Baldintza horiek betez gero, bezeroek hemen eman dezakete izena: Partzuergoaren webguneko (ctb.eus) “nire Barik-en sartu” aukera, “NFC PILOTUA” atala. Gero, BGPk esteka bat bidaliko dio mezu elektroniko baten bidez, esteka horretan klik eginez sakelako telefonorako “app”-a jaitsi ahal izateko. Aplikazio berri horri esker erabiltzaileak edozein Barik kargatu ahal izango du, nahi beste aldiz. Horretarako, kargatu nahi duen billetea aukeratu behar du, eta bankuko txartel baten datuak sartu (merkataritza elektroniko segurua) zenbateko hori ordaintzeko.

13/07/2015

BGPk gaur aldatuko du Barik txartel guztien iraungitze-epea, 4tik 7 urtera.

Bizkaiko Garraio Partzuergoak (BGP) erabaki du iraungitze-epea 3 urtez luzatzea Barik txartel guztiei, bai orain zirkulazioan daudenei bai gaur bertan eta aurrerantzean erosten direnei

BGPk egindako azterketa teknikoetan egiaztatu denez, Barik txartelak daukan txip integratua, aitzindaria eta berritzailea inguruneko beste operadore batzuek erabiltzen dutenaren aldean, lau urte igaro eta gero ezin hobeto funtzionatzen ari da. Horrek erabilera epea luzatzeko erabakia hartzeko aukera eman dio erakundeari.

Orain erabiltzen ari diren txartelen iraungitze-epea luzatzeko, erabiltzaileek nahikoa izango dute Metro Bilbaoko edozein geltokira joan eta txartelak saldu eta kargatzeko makina automatiko batean epea luzatzea. Txartela erabiltzeko azken eguna modu automatikoan aldatuko da, erabiltzailearentzako kosturik gabe. Nahikoa da txartela makinan sartzea. Egin beharreko tramite hori edonoiz egin daiteke, gaurtik hasita; baina betiere Barik txartela bere oraingo iraungitze-datara heldu baino lehen egin behar da..

EranskinaTamaina
PDF icon 130715_barik_iraugintze_epea.pdf26.46 KB
13/07/2015

Bi aste eskasetan, 200.000 erabiltzailek baino gehiagok luzatu dute Barik txartelaren iraungitze-data

Bi aste eskasetan 200.000 Barik txartel baino gehiagoren iraungitze-data luzatu da 3 urtez. Bizkaiko Garraio Partzuergoak (BGP) uztailaren 13an aktibatu zuen Barik txartel guztien (anonimoak zein pertsonalizatuak) baliozkotasun-epea 4 urtetik 7 urtera aldatzeko aukera, Metro Bilbaoko geltokietan. Abuztuaren 4tik, asteartetik, aurrera Bizkaiko garraio-sarearen beste 550 puntutan ere luzatu ahal izango da iraungitze-data (Bizkaibus eta Bilbobuseko kabinetan, estankoetan, kioskoetan, eta sistemari atxiki zaien merkataritza lokaletan).

Txartelen iraungitze-data luzatzeko, erabiltzaileek Metro Bilbaoko geltoki batera joan behar dute, Barik-a iraungi baino lehen. Txartelak saltzeko eta kargatzeko makinetan barik sartu eta automatikoki txartelaren baliozkotasun-epea luzatuko da, erabiltzaileentzako kosturik gabe.

Datorren abuztuaren 4tik aurrera erabiltzaileek txartelen iraungitze data aldatu ahal izango dute Bizkaibus eta Bilbobuseko kabinetan eta estanko kiosko eta merkataritza lokaletan. Kontsulta edo errekarga bat egiterakoan txartelaren baliozkotasun-epea automatikoki luzatuko da, erabiltzaileentzako kosturik gabe.

EranskinaTamaina
PDF icon 300715_np_ampliacion_barik-eus.pdf26.28 KB
02/07/2015

BGP 4 urtetik 7 urtera luzatu du Barik txartel guztien iraungitze-epea

Bizkaiko Garraio Partzuergoak (BGP) erabaki du iraungitze-epea 3 urtez luzatzea Barik txartel guztiei, bai orain zirkulazioan daudenei bai uztailaren 13tik aurrera (astelehena) erosten direnei.

BGPk egindako azterketa teknikoetan egiaztatu denez, Barik txartelak daukan txip integratua, aitzindaria eta berritzailea inguruneko beste operadore batzuek erabiltzen dutenaren aldean, lau urte igaro eta gero ezin hobeto funtzionatzen ari da. Horrek erabilera epea luzatzeko erabakia hartzeko aukera eman dio erakundeari.

Orain erabiltzen ari diren txartelen iraungitze-epea luzatzeko, erabiltzaileek nahikoa izango dute Metro Bilbaoko edozein geltokira joan eta txartelak saldu eta kargatzeko makina automatiko batean epea luzatzea. Txartela erabiltzeko azken eguna modu automatikoan aldatuko da, erabiltzailearentzako kosturik gabe. Egin beharreko tramite hori edonoiz egin daiteke, uztailaren 13tik aurrera, baina betiere Barik txartela bere oraingo iraungitze-datara heldu baino lehen.

EranskinaTamaina
PDF icon 010715_ampliacion_barik_eu.pdf25.2 KB
21/04/2015

BGPk Bilboko Metroaren Aginte-Mahaiko pantailak aldatuko ditu

BGPren kontseilua Bilbon batzartu da gaur eguerdian. Bilera horretan, Bilboko Metroaren Aginte-Mahai Nagusiko pantaila-sistema berritzeko kontratazio-espedientea onetsi du, hiri inguruko trenaren "garuntzat" jotzen den osagaia epez epe modernizatzeko egitasmoari doakionez. 50na hazbeteko 18 moduluk osatzen duten "videowall"a hornitzeko lehiaketa aterako du BGPk, eta horien irteerako prezioa 259.545 eurokoa izango da (BEZ barne).
BGPren organo erabakitzaileak gaur onetsi dituen gaien artean, azpimarratzeko modukoak dira Urdulizko trenbide-pasagunea ezabatzeko lanak eten barik jarraitzeko egindo diren hiru jarduketa.

EranskinaTamaina
PDF icon 210415_cg_eu.pdf53.56 KB
13/03/2015

Barik txartelak erabiltzaileak eta merkatuko kuota irabazi zituen 2014an ere

. BGPk Bizkaian zehar garraio publikoan mugitzeko atera zuen ukipenik gabeko euskarriak 118.311.765 bidaia erregistratu zituen pasa den urtean.
. Lurraldetik garraio publikoan egindako lekualdaketen %71,5 egiten da jada Barik txartelarekin.
. Momentu honetan Bizkaiko biztanleak baino gehiago dira Barik txartelak: 1.209.544 txartel daude.

Barik txartelari buruz argibide gehiago: http://www.ctb.eus/eu/ohiko-galderak

EranskinaTamaina
PDF icon 130315_barik14_eu.pdf45.15 KB
10/03/2015

Ibarbengoako aldirietako aparkalekua

Bizkaiko Garraio Partzuergoak (BGP) aurten hasiko ditu Ibarbengoako aparkalekua eraikitzeko lanak. Guztira 304 plaza izango ditu, estalita denak, baina zazpi mugitzeko arazoak dituzten pertsonentzat erreserbatuta egongo dira. Azpiegitura publiko honen bidez azkar, modu seguruan eta merkeagoan heldu ahal izango da Getxoko eta Metro Bilbaok lotzen dituen gainerako udalerrietako erdigunera. Gainera, metroak Getxon zazpigarren geltokia izango duenez garraio publikoaren erabilera ere bultzatu egingo da.

ABANTAILA UGARI
GIZARTE ONURA. Ibarbengoako geltokia ireki baino lehen aparkalekua egin behar da. Irekitzen denean, alabaina, askok aterako diote onura baliabide berri honi: lehenbizi inguruan bizi diren pertsonek, eta gero, Getxon eta hurbileko udalerrietan bizi diren biztanleek.

INBERTSIO PUBLIKOA. azpiegitura publiko honek eskatzen zen zerbitzu publiko erabilgarria eskainiko du. Metroaren geltokiren bat hurbil ez duten getxoztarrek eta ondoko beste udalerri batzuetako biztanleek erabili ahal izango dute.

IKUSIZKO INPAKTUA OSO TXIKIA. Aparkalekuaren diseinuak ikusizko inpaktu oso txikia ematen dio azpiegiturari. Hiru solairu eduki arren, horietako bi lur azpian egongo dira. Eraikinaren altuerak ez du gaindituko geltokiak berez duen altuera. Ezin hobeto integratzen da geltokian eta inguruan, eraikinaren sabaia lorategia izango delako. Azpiegitura diseinatzean inguruko landa-izaera hartu da kontuan.

ERREPIDE BIDEZKO KONEXIOAK. Kokalekua nahita aukeratu da. Komunikazio-lotune estrategikoan egongo da, Uribe Kostako korridorearen ondoan.

INTERMODALITATEA. Inguruaren diseinuari esker Ibarbengoako geltokira heltzeko norberaren autoa edo hirietako autobus-zerbitzuak har daitezke, bestela, bizikletak alokatzeko Bizimeta zerbitzua erabil daiteke. Uribe Kostako Mankomunitatearekin sinatu den hitzarmenari esker aparkalekuan zerbitzu hori egongo da Berangora, Sopelara, Urdulizera, Plentziara edo Gorlizera joateko edo haietatik etortzeko.

MERKEA ETA SEGURUA. Aparkaleku itxia Metro Bilbaok kudeatuko du. Soilik 70 zentimoren truke herritarrek egun osoan utzi ahal izango dute autoa han, eta Getxoko edo beste udalerri eta hiri batzuetako erdiguneetara garraio publikoan joan ahal izango dute. Diru asko aurreztuko dute horrela.

ONURA INGURUMENERAKO. Autoa aparkatuta uztea ona izango da ingurumenerako, errepidean auto gutxiago ibiliko delako. Hots, aparkalekuak garraio publikoa bultzatuko du, norberaren autoa bide-tarte batean erabili behar bada ere.

IZAPIDEAK. Aparkalekuak ingurumenari lotuta ezarrita dauden izapideak bete ditu eta Eusko Jaurlaritzako Ingurumen eta Lurralde Politika Sailaren oniritzia dauka.

AZPIEGITURA ERABILGARRIA ETA ESKATUA. Metroak dituen aldirietako hiru aparkalekuekin (Leioa, BEC eta Etxebarri) urtean 300.000 ibilgailu inguru ateratzen dira errepideetatik. Garraio aukera konbinatu hau gero eta gehiago eskatzen da.

IBARBENGOAKO GELTOKIAREN IREKIERA. Aparkalekua irekitzen denean Ibarbengoako geltokia ere martxan jarriko da. Obra hau nahitaezkoa zen Maidagango trenbide-pasagunea kendu ahal izateko, eta inguru horretan egiten ziren maniobrak Bidezabal geltokiaren ondora eraman ahal izateko; izan ere, lehen han egiten ziren metroaren maiztasun-aldaketak. Obrak egitean Maidaganen hainbat metro karratu libre utzi dira, bi ikastetxe eta zaharren egoitza batzuk dauden inguruan. Trenbideen ordez lorategiak eta jolastokiak jarri dira.

METROAREN ZERBITZUA. Andra Mari auzoko biztanleek 1. linearen maiztasun onenari onura atera ahal izango diote, puntako orduan trenak 5 edo 6 minutura pasatuko baitira Bilborako noranzkoan.

SARBIDE BERRIA. Metroaren trazatuarekin batera, eta eragina ahalik eta txikiena izan dadin, errepide bat eraikiko da; honen bidez, bada, Ormazako estratatik arin eta modu seguruan sartu ahal izango da. Bertan, espaloiak eta errei biko galtzada egongo dira, noranzko bakoitzeko bat. Trafikoa eta gelditzeak antolatuko ditu geltokiaren inguruan. Aparkalekurik egon gabe geralekua irekiko balitz, inguruko biztanleak izango lirateke lehenengo kaltetuak.

METROA ETA ANDRA MARI. Andra Mari auzoaren eta metroaren arteko harremana aspaldikoa da, trenbidearen trintxera betidanik egon delako han hesi baten antzera. Orain, alabaina, geltoki eta aldirietako aparkaleku bat izango dira jendeak erabiltzeko.

INBERTSIOA. Aparkalekuaren aurrekontua 5,8 milioi eurokoa da. Bizkaiko enpleguaren eta ekonomiaren aldeko inbertsio publikoa izan da, eta aparkalekua lur azpian egoteak horren alde egiten du, hiri izaera ez duen eremu horretan ahalik eta eragin txikiena lortu nahi izan da eta.

EranskinaTamaina
PDF icon Prospektua1.25 MB
PDF icon Planak eta kokapena720.33 KB
PDF icon Memoria172.11 KB
10/03/2015

Urdulizen metroa lurperatzeko obrei buruzko informazio-bulegoa ireki du BGPk

BGPk metroa lurperatzeko obrei buruzko informazio-modulua ireki du Urdulizko geltokitik gertu. Bulego horretan erakusketa txiki bat ere badago, eta trenbide-pasagunea kendu eta lurpeko geltoki berria eraikitzeko proiektuari buruzko agiri-sorta, planoak eta infografiak daude ikusgai erakusketa horretan. Gaurtik aurrera, informazio-gune horretan pertsona batek lan egingo du, eta behargin horrek auzotarren zalantzak argitzeko ardura izango du, hiritarrek udalerri honetan urte eta erdian burutuko den obrari buruz egiten dituzten erreklamazioak edota iradokizunak bideratuz.

Urdulizko informazio-gunea hiru hilabetean egongo da zabalik, arratsalde guztietan, astelehenetik ostiralera. Herri horretako auzotarrek Aita Gotzon kalean dagoen Bilboko Metroaren sareko langadun azken pasagunea kentzeko proiektuaren xehekapenei buruzko informazioa jaso ahal izango dute, erakusketa bisitatuz, 901 440 445 informazio-telefono zenbakira deituz edo urduliz@cotrabi.eus helbide elektronikora mezua bidaliz. Bulego berri honen aurkezpen-ekitaldira BGPren zuzendari kudeatzailea den Manu Tejada eta Javier Bilbao Urdulizko alkatea joan dira.

Ekimen hau baliatuz, BGP metroa lurperatzeak ezinbestean eragingo dituen eragin kaltegarriak ahal den neurrian konpentsatzen ahaleginduko da, zeren eta obrok hirigunetik hurbil-hurbil egitekoak baitira. Obra horiek, Plentziaren eta Sopelaren arteko tren-zerbitzua 18 hilabetetan kentzea eragingo dute, obrok irauten duten artean behintzat. Alternatiba legez, apiriletik aurrera ordezko autobus-zerbitzua jarriko da abian, metroak dituen ordutegi eta maiztasun berekin. Plentziako eta Sopelako geltokietan Bilboko Metroko beharginak egongo dira autobusen funtzionamenduari buruzko informazioa ematen, eta Urdulizen Barik txartela errekargatzeko makina bat instalatuko da.

Urdulizko obren bidez, metroaren sarean dagoen azken trenbide-pasagunea kenduko da, trenbideko 543 metro lurperatu ondorik. Une honetan, Bilboko Metroaren ustiapenari dagokion egokitzapen egokiei ekin zaie trenbidean bertan, katenarian, seinaleztapenean, komunikazioetan eta AMN (Aginte Mahai Nagusia) arloan. Aste honetatik aurrera, obrako materialak pilatzeko eta obraren perimetroa hesitzeko lehenengo lanak abiaraziko dira; ataza horiek egin ostean, lehenengo indusketa-lanei ekingo zaie. Obra-planaren arabera, apirilean etengo da Plentziako eta Sopelako geltokien arteko tren-zerbitzua.

Obra hau BGPk eta ETSk (Euskal Trenbide Sarea) burutuko dute, Bizkaiko Foru Aldundiaren eta Eusko Jaurlaritzaren finantzabideaz; bi erakunde hauek, erdizkan, lurperatzea gauzatzeko behar diren 21 milioi euroko kopurua ordainduko dute, Garraio Partzuergoaren bitartez.

Urdulizko hirigunean metroa lurperatzeak garapen-aukera ederrak ekarriko dizkio Uribe- Kostako udalerri honi. Lurperatzearen ondorio gisa, 6.000 metro karratutik gorako josteta-gune berria sortu ahal izango da, eta horrez gainera, lurpeko geltoki berria ere eraikiko da, “fosterito” eta guzti; geltoki horrek zuzeneko igogailua ere izango du, kalea eta nasa bakarra elkarlotuko dituena. Beste alde batetik, Bilboko Metroak bere zerbitzuaren fidagarritasuna hobetuko du 1. Linean, ibilgu osoko 45 kilometroetatik gorako tartean geratzen den azken trenbide-pasagunea kenduko baita.

EranskinaTamaina
PDF icon Prospektua301.43 KB
PDF icon Planak eta kokapena2.71 MB
10/03/2015

Urdulizen metroa lurperatzeko / Ibarbengoako aparkalekua

Urdulizen metroa lurperatzeko

BGPk metroa lurperatzeko obrei buruzko informazio-modulua ireki du Urdulizko geltokitik gertu. Bulego horretan erakusketa txiki bat ere badago, eta trenbide-pasagunea kendu eta lurpeko geltoki berria eraikitzeko proiektuari buruzko agiri-sorta, planoak eta infografiak daude ikusgai erakusketa horretan.

Informazio gehiago: Urdulizen metroa lurperatzeko obrei buruzko informazio-bulegoa ireki du BGPk

 

Ibarbengoako aparkalekua

Bizkaiko Garraio Partzuergoak (BGP) aurten hasiko ditu Ibarbengoako aparkalekua eraikitzeko lanak. Guztira 304 plaza izango ditu, estalita denak, baina zazpi mugitzeko arazoak dituzten pertsonentzat erreserbatuta egongo dira.

Informazio gehiago: Ibarbengoako aldirietako aparkalekua

13/02/2015

Gazte txartelak 600.000 bidaia baino gehiagorekin itxi du urtea.

Garraio Partzuergoak Bizkaian erroldatutako 26 urtetik beherako gazteentzat sortutako txartelak, jada Metro Bilbao, Bizkaibus eta Bilbobusen erabil daitekeenak (Artxandako Funikularrean barne), 603.889 bidaia zenbatu zituen martxan daraman 6 hilabetetik beherako tartean, 2014ko uztailaren 21etik abenduaren 31ra bitartean, hain zuzen ere.
%50eko beherapena eskaintzen du ohiko txartelekin alderatuta eta %20-30 bitartekoa creditrans tarifekin alderatuta.
Momentu honetan Gazte profila aktibatuta duten 8.200 Barik daude Bizkaian.

EranskinaTamaina
PDF icon 130215_balance_gazte_eu.pdf28.4 KB

Orriak