Parte hartzeko baldintzak
Zer da Barik Mobile deritzon aplikazio mugikorra edo app-a??
BGPk norberaren mugikorrean Barik txartela txertatuta izateko sortu duen aplikazioa da. Horri esker, zure mugikorrarekin zuzenean baliozkotu ahal izango duzu garraio publikoan, eta zure txartela kargatu eta kontsultatu ahal izango duzu zure telefonoan bertan.
Zer da Barik Mobile proiektu pilotua?
Barik Mobile aplikazioa Barik sistemako bidaiari guztientzat modu masiboan hedatu aurretik, BGPk Gazte 70 eta Gazte Oro tituluen erabiltzaile gazteen talde txiki batekin probatzen ari da teknologia berria.
Nork erabil dezake Barik Mobile aplikazioa?
Barik Mobile proiektu pilotuan erregistratuta daudenek soilik erabili ahal izango dute, eta, Gazte 70 edo Gazte Oro titulua lehenengoz kargatu ostean, beren diru-zorroa kargatu ahal izango dute.
Zein garraiobidetan bidaiatu daiteke Barik Mobile erabiliz proba pilotuan?
Gazte 70 eta Gazte Oro tituluak baliatuz bidaiatu daiteke, eta horiek Bizkaibusen, Metro Bilbaon, Euskotrenen, Bilboko tranbian, Lejoan busean (Leioa), Larrainetako funikularrean eta Sopelbusen erabil daitezke.
Diru-zorroa erabili daiteke honako garraiobide hauetan: Bizkaibus, Metro Bilbao, Euskotren, Bilboko tranbia, Lejoan Busa (Leioa), Larreinetako funikularra, Sopelbus, Bilbobus, Artxandako funikularra, Kbus, Erandio Bus, Etxebarri Bus, Ereagako igogailua eta Bizkaiko Zubia.
Renfe eta disuasio-aparkalekuak ez dira Barik Mobile proba pilotuan sartzen.
Zein dira Barik Mobile proiektu pilotuan erregistratzeko baldintzak?
- Barik txartel pertsonalizatua aktibo edukitzea.
- Bizkaiko edozein udalerritan erroldatutako 26 urtetik beherako gaztea izatea.
- Gazte profila izatea zure Barik txartelean.
- Alta emanda egotea zure Barik txartelaren datuak BGPren webgunearen bidez eskuratu ahal izateko (“nire barik-en sartu” menua).
- NFC teknologia eta Android 8.0 sistema eragilea edo handiagoa darabiltzan telefono mugikorra edukitzea.
Nola erregistratu Barik Mobile proiektu pilotuan?
“Nire barik” menura sartu behar da BGPren webgunetik (https://www.ctb.eus/mibarik/index_eu.php), eta han zaudela, adierazitako urratsak egin.
BGPk parte hartzea onartuko du, baldintzak betetzen direla egiaztatu ondoren.
Zer egin behar da Barik Mobile proiektu pilotuan erregistratzeko eskaera BGPk onartzen duenean?
BGPk parte hartzeko eskaera onartzen duenean, mezu elektroniko bat bidaliko parte-hartzaileari, honako argibide hauekin::
- 1. Bizkaiko Garraio Publikoaren Santimamiko (Termibus) bulegora joan behar zara Barik txartel fisiko pertsonalizatuarekin, egitasmo pilotura egokituz grabatzeko. Aldi baterako titulua izanez gero, titulu hori agortu egin beharko da.
- 2. Barik Mobile aplikazioa doan instalatu behar duzu (Google Play).
- 3. Aplikazioan, zure erabiltzailea eta pasahitza idatzi behar dituzu, datuak Internet bidez eskuratzeko erabiltzen dituzun berberak ("nire barik").
- 4. Gazte 70 edo Gazte Oro titulua erosi behar duzu aplikaziotik bertatik edo BGPren webgunetik, Bizum edo kreditu-txartela erabiliz ordainduta.
Zer betebehar hartzen dira Barik Mobile proiektu pilotuan parte hartzean?
- Zure mugikorrean kargatu diren Gazte 70 eta Gazte Oro tituluak baliatuz bidaiatzea.
- Interneterako sarbidea izatea, gutxienez, bidaiatu baino 24 ordu lehenago.
- Mugikorra piztuta eta bateria nahikoarekin edukitzea bidaia baliozkotzean eta bidaian bertan.
- BGPri erantzutea Barik Mobile aplikazioarekin izan duzun esperientziari buruzko inkesta eta formularioen bidez
- Aplikazioaren erabileran izaten den zeinahi gorabeheraren berri azkar ematea.
Zer abantaila izango ditut Barik Mobile proiektu pilotuan parte hartzeagatik?
- Garraio publikoko bidaia modu eroso, azkar eta seguruan baliozkotzea.
- 3 sariren zozketan parte hartzea: 3 hilabeteko doako garraioa, Barik Mobile proiektu pilotua amaitu ondoren.
Barik Mobile proiektu pilotuan parte hartuz gero, zer gertatuko da nire Barik txartel fisikoarekin?
Txartel fisikoan, txanpon-tituluak bakarrik kargatu ahal izango dira.
Hasiera batean, telefono mugikorrean Gazte 70 eta Gazte Oro bakarrik kargatu ahal izango dira. Beraz, zure Barik txartel fisikoa aldean eraman beharko duzu Gazte 70 edo Gazte Oro titulua eskuratzean erosi dituzun guneetatik kanpo bidaiatzeko, edo aldi baterako bi titulu horiek erabili ezin diren moduetan bidaiatzeko.
Zer araudik erregulatzen ditu Barik Mobile proiektu pilotuaren baitan mugikorrean dauden tituluak?
- Txartel fisikoan gordetzen diren tituluak erregulatzen dituen araudi bera. https://www.ctb.eus/eu/ordenantza-arau-emaileak
- Erabiltzaileak mugikorra piztuta eta bateria nahikorik ez badu bidaia baliozkotzean, bidaian bertan eta ikuskapena egitean, ulertuko da baliozko garraio-titulurik gabe bidaiatzen duela.
Zer hartu behar dut kontuan bidaiatu aurretik eta bidaian zehar eta nire telefono mugikorrean dauden tituluekin?
- Proba pilotuan, app-aren baliozkotasun-aldia ez bada automatikoki eguneratu, berariaz eguneratu beharko duzu, astean gutxienez behin.
- Mugikorra piztuta eta bateria nahikoarekin eduki behar da bidaia baliozkotzean, bidaian bertan eta, hala eskatuz gero, ikuskapena egitean. Bestela, erabiltzaileak baliozko garraio-titulurik gabe bidaiatzen duela ulertuko da.
Nola gehitu ditzaket guneak nire aldi baterako tituluan Barik Mobile proiektu pilotuan parte hartzen dudan bitartean?
Guneak gehitzeko aukera duzu Barik aplikaziotik bertatik edo Bilboko Intermodaleko Bezeroaren Arretarako Bulegoan desblokeatu daiteke, Santimamin (Luis Briñas kalea, z/g) . Komisio egokia ordaindu beharko da.
Guneak, nire Barik txartelari lotutako datu pertsonalak eta abar alda ditzaket Barik Mobile proiektu pilotuan parte hartzen dudan bitartean?
Proiektu pilotuak irauten duen artean, Barik Mobile zerbitzuari lotutako guneak gehitzeko edo aldatzeko, profila, telefono-zenbakia, helbide elektronikoa edo beste daturen bat aldatzeko, garraio publikoaren Santimamiko bulegora joan behar da (Luis Briñas kalea, z/g).
Zer egin behar dut Barik Mobile aplikazioan gordeta dagoen Gazte 70 edo Gazte Oro aldi baterako titulua blokeatuz gero?
Aplikaziotik bertatik edo Bilboko Intermodaleko Bezeroaren Arretarako Bulegoan desblokeatu daiteke, Santimamin (Luis Briñas kalea, z/g) edo autobusean. Komisio egokia ordaindu beharko da.
Zer egin behar dut aplikazioa txarto funtzionatuz gero edo gorabeherarik izanez gero?
Lehenbailehen jarri behar duzu harremanetan BGPrekin, barikctb@cotrabi.eus helbide elektronikoa erabiliz edo bezeroaren arretarako 94 685 5000 telefonoa erabiliz.
Eta hondatzen bazait, galtzen badut edo mugikorra lapurtzen badidate?
Txartelaren titularrak eta Barik Mobile proiektu pilotuan parte hartzen duenak txartela blokeatzeko eskatu ahal izango du, BGPren webgunetik ("nire barik-en sartu") edo 94 685 5000 telefonora deituta.
Haustura, galera edo lapurretagatik eta segurtasun-arrazoiengatik, hilean behin baino ezin izango da transferitu zure mugikorrean dagoen Barik txartela beste mugikor batera, betiere aldaketa egitean aldi baterako murrizketak egon daitezkeela aintzat hartuta.
