Azaroaren 4an BECen egingo den MTV sarien gala dela eta, segurtasun-arrazoiengatik, ezin izango da aparkalekua erabili azaroaren 3ko, larunbata, goizeko 06:00etatik azaroaren 4ko, igandea, goizeko 06:00ak arte. Barkamenak eskatzen dizkizuegu eragozpenengatik.

• Eusko Jaurlaritzako Ekonomiaren Garapen eta Azpiegitura Sailak eskatuta, Bizkaiko Garraio Partzuergoak (BGP) APP BARIK NFC aplikazioaren erabilera lagatzen du
• Aplikazioa BGP-ak berak asmatuta, sortuta eta patentatuta izan zen.
• Euskotren, BAT txartelaren erakunde kudeatzaile bezala, erabilera koordinatuko duena izango da.
• Telefono aplikazio honen bidez, kargak eta BAT txartelen mugimenduen kontsultak egin ahal izango dira.
• Akordio honekin, Bizkaiak eta Arabak sistema komun bat izango dute garraio publikoaren erabiltzaileen %75ari erantzunez.
• Horrela hiru lurraldeen arteko Interoperabilitate ezarpen hurrenez hurrengoan urrats bat gehiago emango da.

Bizkaiko Garraio Partzuergoak Eusko Jaurlaritzako Ekonomiaren Garapen eta Azpiegitura Sailari APP BARIK NFC aplikazioaren patentea erabiltzea baimentzen du, Arabako garraio erabiltzaileek telefono mugikorraren bidez BAT txartelak kargatzeko aukera izan dezaten.

Aplikazio honek, BAT txartelaren baldintzetara egokituta, saldo eta azken mugimenduen kontsultak egiteko aukera ere eskainiko du.

Barik proiektuaren barruan, BGP-ak 2016an mugikorrerako aplikazio bat atera zuen, BARIK NFC, eta horrek Barik txartela kargatzeko eta kontsultatzeko aukera ematen du besteko inolako gailu gehigarririk gabe. Aplikazio hau BGP-ak patentatutako asmakizunean oinarrituta dago “Txartel adimenduen metodoa eta karga sistema garraio bidaia-txartel bezala erabiltzeko, NFC duen terminal baten bidez”, 2017an BGP-ari emandako patentea.

Aplikazioa abian jarri zenetik, sisteman 126.000 alta erregistratu dira eta egunero 1.000 karga inguru egiten dira.

BAT txartelera aplikazioaren egokitzapena 2019an zehar egingo da eta, behin bukatuta, Arabako hiritarrek telefono mugikorraren bidez kargak egiteko aukera izango dute, teknologia berrien bidez garraio publikoaren erabilera errazteko beste modu bat gehiago.

Aurrerapen honekin, erakundeek ikusten genuen beharrizan bat konpontzen da horrela, edozein mugikorretatik funtzioan jartzen denetik, edozein pertsonak, modu seguru, intuitibo eta azkar batean, BAT txartela bera kudeatu ahal du, saldoa kargatuz behar duenean, 24 ordu, urtean 365 egun eta mugimenduen profil historikoan egiaztatuz.

Abantaila teknologikoen zain, EJ-ak eta BGP-ak funtzionalitateak eta garraio publikoko erabiltzaileen autonomia hobetzeko konpromisoa erakusten dute lurraldeak bereizten ez duen konpromisoa gero eta sistema homogeneoago baten barruan.

Akordio honek Euskal Autonomia Erkidegoko hiru Lurraldeen artean Interoperabilitate proiektuan urrats bat gehiago emateko aukera ematen du, 2014an Bilboko tranbian Bat, Barik eta Mugi txartelen erabilerarekin hasita, gero Gasteizko tranbiara hedatuta, Euskotreneko tren lineetara eta Donostibusera. Akordio honi esker, lurraldeen artean irtenbide teknologikoak partekatzen aurreratzen da, eta horrek baliabide publikoen erabilera hobea dakar, hala nola, era berean eta batez ere, etorkizunean garapen berriak ahalbidetzeko, izan ere Euskadiko hiru lurraldeetako hirien mugikortasun eta interoperabilitate beharrizanak hobetuko dituzte.

INKESTA

Bizkaiko garraio publiko zerbitzuak, denetara, 169,8 milioi bidaia erregistratu zituen 2017an, aurreko urtean baino 2,5 gehiago. Hala erakutsi du Bizkaiko Garraio Publikoaren 2017. urteko txostenak, Bizkaiko Garraio Partzuergoak (BGP) egina. Igoera, neurri handi batean, metroaren 3. linea martxan jartzeak eragin du. Urteko eta Bizkaiko garraio publikoaren orain arteko ibilbideko gertaera nagusietako bat izan da, zalantzarik gabe.

Bizkaiko Garraio Publikoaren 2017. urteko txosten landuan zenbateko handiak jaso dira, eta horrek erakundeek, operadoreek eta Bizkaiko Garraio Partzuergoak berak garraio publikoaren sistema egonkortzeko egin duten ahalegin handia islatzen du; izan ere, sistema gero eta aurreratuagoa, seguruagoa, jasangarriagoa, arinagoa eta erosoagoa izatea lortu nahi dute. Hau da, gero eta eraginkorragoa, multimodalagoa eta kalitate hobeagokoa izatea, eta, nola ez, bizkaitarron premiak lehenesten dituena.

2017a urte handia izan da Bizkaiko garraio publikoarentzat, BGPk urtero egiten duen azterlanak laburtzen duenez. Azterlan horrek operadore bakoitzaren urteko jardueraren berri ematen du, bidaiariak, diru sarrerak, saldutako tituluak, tarifak eta abar kontuan hartuz. Beste bi ekimen garrantzitsu ere mugarri izan dira 2017an: Bizkaiko Garraio Publikoaren bulego sarea martxan jartzea, lurraldeko orografia osoan zehar informazio, arreta eta kudeaketa integraleko 11 puntu dituena, eta aldi baterako titulu multimodal berriak kaleratzea Bizkaiko hiru modu nagusietarako, metroa, trena eta tranbia (baita Larreinetako funikularra ere), eta 26 urtetik beherako kolektiboaren kasuan, baita Bizkaibuserako ere.

Barik txartela eta BGPren tituluak gero eta hobeto onartzen dira, eta, hori, halaber, norabide onaren adierazgarri da. Hain zuzen ere, garraio modu ezberdinetan egindako joan etorrien % 82,6 txartel adimendun horrekin egin ziren. Gero eta erabiltzaile gehiago ditu urtero.

Bizkaiko Garraio Publikoaren 2017. urteko txostenak honako datuak jasotzen ditu autobusei dagokienez: Bizkaibus, Bilbobus eta bestelakoak; trena: Metro Bilbao, Euskotren Trena, Euskotren Tranbia, Renfe, Feve; bestelako garraio moduak: Bizkaia Zubia, Artxandako funikularra, Larreinetako funikularra, Ereagako igogailua, Zumalakarregiko igogailua, igarotzeko txalupak eta bizikleten mailegua; aparkalekuak: Leioa, Etxebarri eta BEC; titulu komunak, tarifak eta txartelen erabilerak.

Zenbateko handiak

2017an izandako 169,8 milioi bidaien % 51,9 Metro Bilbaori dagozkio; % 16,1 Bizkaibusi; % 15 Bilbobusi; % 5,9 Renferi, % 4,7 Euskotren Trenari, % 3,3 bestelako garraio moduei; % 1,7 Euskotren Tranbiari; % 0,9 beste autobus batzuei; eta % 0,5 FEVEri.

Garraio moduei dagokionez, 169,8 milioi bidaietatik, 54,2 milioi autobusez egin ziren, 2016arekiko 0,4 gehiago, eta 109,9 trenez egin ziren, aurreko urtearekiko % 3,8ko igoerarekin. Bestelako garraio moduetan (Bizkaia Zubia, Artxandako funikularra, Larreinetako funikularra, Ereagako igogailua, Zumalakarregiko igogailua, igarotzeko txalupak eta bizikleten mailegua) 5,5 milioi bidaia izan zituzten.

Zehazki, Bizkaibusek 27,3 bidaia erregistratu zituen; Bilbobusek 25,4; bestelako autobusek 1,4; Metro Bilbaok 88,1; Renfek 10,0; Euskotren Trenak 7,9; Euskotren Tranbiak 2,9; Fevek 853.000; Bizkaia Zubiak 3,3; Artxandako funikularrak 830.000; Larreinetako funikularrak 139.000; Ereagako igogailuak 359.000; igarotzeko txalupek 505.000; Bizimeta bizikleten mailegu zerbitzuak 3.000; eta Bilbon Bizi bizikleten mailegu zerbitzuak 321.000.

Oharra: Bizkaiko Garraio Publikoaren 2017. urteko txostena BGParen webgunean kontsulta daiteke: www.ctb.eus.

Barik txartela iraungi egiten bada ere bertan dagoen saldoa ez dela galduko, eta beste Barik txartel batera pasatuz berreskuratu ahal izango dela 4 hilabeteko epean, iraungitze-datatik aurrera zenbatzen hasita eta Barik txartela arautzen duen araudian jasotakoari jarraikiz.  

Kudeaketa hori Bizkaiko garraio publikoaren edozein bulegotan egin ahal izango da.

Hemen kontsulta dezakezu Barik txartelaren iraungitzea: https://www.ctb.eus/eu/barik-iraungitze-data-kontsultatu

Abuztuan ere, irekita egongo dira Bizkaiko garraio partzuergoaren arreta emateko bulegoak Bizkaiko garraio publikoari buruzko kontsulta guztiak argitu eta erantzun ahal izateko, Barik txartelaren kudeaketak barne. Hauexek izango dira ordutegiak: BGP-San Mames / Bilbo: San Mameseko geltoki intermodala

   Astelehenetik ostiralera, lanegunetan, 08:30etik 07:30era (Aste Nagusiko ostiralean itxita egongo da)

Metro Bilbao/Euskotren Bilbo: ZazpiKaleak geltokia-Alde Zaharra (sarrera: S. Nikolas)

   Astelehenetik ostiralera, lanegunetan, 08:00 - 15:00 (Aste Nagusiko ostiralean itxita egongo da)

Renfe Bilbo: Plaza Biribila 2 (Abandoko geltokia)    Astelehenetik ostiralera, lanegunetan, 08:00 - 14:00 (Aste Nagusiko ostiralean itxita egongo da)

Bilbobus Bilbo: Poza lizentziatuaren kalea (Elcanorekin) 6

   Astelehenetik ostiralera, lanegunetan, 08:00 - 15:00 (Aste Nagusiko ostiralean itxita egongo da) Larunbatetan 09:00etatik 14:00etara

Bizkaibus Portugaleteko Herritarrei Arreta emateko Bulegoa.San Roke plaza     Astelehenetik ostiralera, lanegunetan: 07:30 - 15:00 (Aste Nagusiko ostiralean itxita egongo da)

Sodupeko udal-bulegoak. Galarraga zeharbidea 20    Astelehenetik ostiralera, lanegunetan : 07:30 - 15:00

Euskotren

   Durangon: Geltoki kalea 08:00 - 15:00 Astelehenetik ostiralera, lanegunetan

   Gernika Geltokiko plaza, z/g behea. 8:00 - 15:00

Horrez gain Bizkaiko Garraio Publikoaren 94 685 5000 telefono-zenbakian erantzungo dizuegu ordutegi honetan: astelehenetik ostiralera, lanegunetan, 08:00etatik 20:00etara, eta larunbatetan, lanegunak badira, 09:00etatik 15:00etara.

Bizkaiko erakundearen eta Kataluniako entitate publikoaren arteko lankidetzari esker, “T Mobilitat” proiektua abian jartzeko laguntza izango dute. Hain zuzen ere, Kataluniako lurralde osoan garraioa kudeatzeko sistema teknologiko eta tarifario berri bat ezartzean datza.

Carme Fábregas, ATMko Sistemak eta Berrikuntza burua: “Berrikuntza ikaragarria da, eta Bartzelonaz gain munduko beste hiri batzuetan ere egokitzat jotzen dute, hala nola Dubain. Hori dela eta, Bilbo erreferentzia izango da mundu osoan”.

Espainiako Patenteen eta Marken Bulegoak iaz aitortu zuen patenteak Bizkaiko Garraio Partzuergoari ematen dio abala, I+G+b eremuan aitzindaria, berritzailea eta abangoardista dena; hori guztia, garraio publikoaren bidez Bizkaia gero eta hobeto lotu eta kohesionatzeko helburuarekin.

“Barik NFC” aplikazioan 400.000 kargatzeak gainditu dira. 2017.
urtean, 171.442 kargatze egin ziren, eta ekainean 23.799. Hasieratik, guztira, 108.230 alta erregistratu dira aplikazioan. Gaur egun, 1.650.000 Barik txartel baino gehiago daude aktibatuta.

Bizkaiko Garraio Publikoaren Bulegoen Sarea handitu egingo da Gernikako bulego berriarekin. Hain zuzen ere, Bizkaiko udalerrian Euskotrenek duen geltokian ireki ditu ateak. Eusko Jaurlaritzako Garraio zuzendaria den Janire Bijueskak eta Bizkaiko Garraio Partzuergoko (BGP) kudeatzaile nagusia den Gorka Ugaldek Euskotreneko zuzendari nagusia den Imanol Lezarekin batera aurkeztu dituzte Gernikako Euskotrenen geltokiko (Geltokia plaza, z/g, behea) bulego berri horren bitartez herritarrei emango dizkiegun zerbitzuak.

Gernikako bulegoak bat egin du BGPk bultzatu duen Garraio Publikoko Bulegoen sarearekin. Bertan, Barik txartelarekin eta Euskotrenen zerbitzuko kudeaketekin zerikusia duten alderdiak izapidetu ahal izango dira Duela urtebete inguru ireki zen Durangoko bulegoarekin batera, Busturialdeko eta Durangaldeko eskualdeetara hurbilduko da zerbitzua.

Harrera emateko ordutegia 08:00etan hasi eta 20:00etan amaituko da, lanegun diren astelehenetatik ostiraletara, udan eta jaiegunen arteko zubietan izan ezik. Udan ordutegi berezia egongo da uztailean eta abuztuan, bai eta jaiegunen arteko zubietan ere: 08:00etatik 15:00etara, lanegun diren astelehenetatik ostiraletara.

Ekainaren 29an, Atxuriko geltokian dagoen bezeroei arreta emateko Euskotrenen garraio publikoko bulegoa itxiko da, eta uztailaren 5ean bulego berri bat irekiko da Gernikan, Euskotrenen geltokian.
Hauxe da Gernikako bulego berriaren helbidea: Geltoki plaza, z/g, behea. Eta hauxe izango da ordutegia:
Astelehenetik ostiralera (lanegunak): 08:00etatik 20:00etara.
Uztailean eta abuztuan, astelehenetik ostiralera (lanegunak): 08:00etatik 15:00etara.

Bizkaiko Garraio Partzuergoak (BGP) Bilboko I. Argazki-maratoi Solidarioaren sariak banatu ditu gaur goizean, eta hauexek izan dira irabazleak: Karen Amaia Bilbao, Garraio publikoa kategorian eta “Circula en verde” izeneko argazkiarekin; Iratxe Azkona, Bizitzeko hiria kategorian eta “Bilbo eta bilbotarrak” lanarekin; eta Carlos Romero, Bilbo, naturala betiko kategorian eta “Junto a la Ría” lanarekin. Gorka Ugalde BGPko zuzendari nagusiak banatu ditu sariak San Mameseko geltokian dagoen BGPren bulegoan, eta lehiaketan parte hartu duten guztiei eskerrak eman dizkie. Guztira, 234 argazki jaso dira.

Maiatzaren 28tik ekainaren 1era bitartean, BEC-en izango den Makina Erremintaren Nazioarteko Bienala dela eta, ezin izango da BEC-en aparkalekua erabili. Barkamenak eskatzen dizkizuegu eragozpenengatik.

Azken urteotan, Bizkaiko Garraio Partzuergoak, Metro Bilbaorekin batera, linean jarritako sistemetan zenbait jarduera egin ditu Bilbo Metropoliko Trenbidearen energia-kontsumo orokorra murrizteko asmoz.

Geltokietako kontsumoa aztertzeko egindako lanen artean, geltokietako sistema bakoitzaren banakako kontsumoa aztertzeko egin zena nabarmen dezakegu. Txostena 2016ko otsailean egin zen, eta ondoriozta zitekeen, oso argi gainera, geltoki batean gehien kontsumitzen duen sistema eskailera mekanikoena dela, lurperatutako geltokien kontsumo osoaren % 50 baino zertxobait gehiago kontsumitzen baitu.

Lurperatutako geltokietako eskaileren mantentze-lanak egiten dituen enpresari 2016. urtean eskatu zitzaion eskailera mekanikoetako kontsumoa aurrezteko neurriak proposa zitzan. Arduratzen den enpresak, ThyssenKrupp Elevadores delakoak, EEC izeneko sistemaren prototipo bat instalatu zuen Indautxuko geltokiko bi eskaileratan, teknikoki zein ekonomikoki bideragarria zen ikusteko eta zenbat energia aurrezten zuen ikusteko.

Honako hau egin zen: igotzeko eskailera bateko (2 motor) eta jaisteko eskailera bateko (2 motor) motorretan bi ekonomizagailu instalatu eta jarri aurretik zein ondoren eskailerek kontsumitzen zutena eta zituzten joerak neurtu ziren .

Proba pilotuaren emaitzen arabera, EEC ekipamenduek eskailera bakoitzean energia-kontsumoaren % 60 aurrez dezakete, eta, hortaz, kostu osoaren inbertsioa urtebete baino gutxiagoko epean itzuliko litzateke. Hau da, inbertsioaren bideragarritasun teknikoa eta ekonomikoa egiaztatu da.

Prototipoa baliozkotzat jo eta gero, 2016. urtearen amaieran, Bilbo Metropoliko Trenbideko eskailera mekanikoen lehenengo multzorako ekonomizagailuak hornitzeko eta instalatzeko lehenengo lehiaketa kaleratu zuen BGPk. ThyssenKrupp Elevadores enpresak 2017. urtean ondo bete du lehiaketan zehaztutakoa.

Hornitzearen kostua 165.041,14 euro da, BEZ barne, eta gauzatzeko epea 6 hilabete. Energia, Turismo eta Agenda Digitaleko Ministerioari atxikitako Energia Dibertsifikatu eta Aurrezteko Institutuak eman du proiektua finantzatzeko laguntza, trenbide-sektorearen eraginkortasun energetikoko jarduketetarako laguntzen programaren barruan. Proiektua, halaber, Hazkunde Iraunkorrerako Programa Operatiboa 2014-2020ren barruan dago, Eskualde Garapenerako Europako Funtsak finantzatzen duena.

Bizkaiko Garraio Partzuergoak (BGP) Ukrainiako ordezkaritza bati harrera egin dio gaur goizean; bisita ofizial bat egiten ari dira Bizkaiko garraio publikoa hurbiletik ezagutzeko. BGPko zuzendari nagusia den Gorka Ugalde izan da anfitrioia ukrainarren bisitan, eta Lviv-eko udal-arduradunek interes handia erakutsi dute Barik sistema Bizkaiko garraio publikoko inguru eta esparru guztietan sortzeko, ezartzeko eta kudeatzeko esperientziari dagokionez, bai eta lurraldeko mugikortasun iraunkorrean duen eraginari dagokionez ere.

Bizkaiko Garraio Partzuergoaren (BGP) “Barik NFC” aplikazioaren bidez 275.000 kargatze baino gehiago egin dira, 645 bat egunean batez beste. 131.134 erabiltzailek doako “app” hori dagoeneko eskuratu dute, Android sistema eragilea duten sakelako telefono batetik Barik txartela kargatzeko aukera ematen duena.

2016ko martxoaren 1az geroztik, posible da Barik txartela sakelako telefono adimendun batetik kargatzea. Bizkaiko Garraio Partzuergoak (BGP) Google PlayStore-n aktibatu zuen “app” hori. Hari esker, denbora laburrean txartela kargatzeko milaka puntu berri erantsi ahal izan dira, eta Bizkaian banatutako 800 fisikoei gehitu zaizkie (tabako dendak, kioskoak, kutxazainak, geltokiak...). Aplikazio berriari esker, erabiltzaileak edozein Barik kargatu ahal izango du, nahi beste aldiz, edozein tokitatik eta eguneko edozein ordutan. Horrez gain, geratzen den saldoari, azken mugimenduei eta beste gauza askori buruzko informazioa lortu ahal izango du.

Patente eta Marken Espainiako Bulegoak Patente titulua eman zion 2017. urtean Bizkaiko Garraio Partzuergoari (BGP), sistema orokorraren segurtasuna gordez Barik txartela telefono mugikorraren bidez kargatzeko prozedura aitzindariagatik. Bi urte iraun duen prozesu metodiko baten ostean, azkenean, estatu eremuan hogei urteko iraupena duen patentea lortu du. Erdietsitako arrakasta horri esker egiaztatu da Bizkaiko Garraio Partzuergoa I+G+b eremuan aitzindaria, berritzailea eta abangoardista dela; hori guztia, garraio publikoaren bidez Bizkaia gero eta hobeto lotu eta kohesionatzeko helburuarekin.

Txartelen sistemen eremuan izaten diren azken aurrerapen teknologikoak, pixkanaka, Bizkaian ezarri nahi ditu BGPk; hain zuzen, proiektua BGPren politika horren barruan sartzen da. Lortutako datuei erreparatuz gero, arrakasta handia izan duela esan daiteke; izan ere, hasierako itxaropenak gainditu egin dira. Aplikazioa abian jarri aurretik, Barik txartelaren ohiko puntuetan kargatu ahal zitekeen txartela (Metro Bilbao, Euskotren, Euskotran, Renfe –FEVE barne-, Larreinetako funikularra, Artxandako funikularra, Bilbobus eta Bizkaibuseko kabinak, tabako dendak, kioskoak, merkataritza lokalak eta BBK-ko kutxazainak); eta abendutik aurrera webgunean bertan (ctb.eus) ere egin daiteke. Gaur egun, 1,6 milioi Barik txartel inguru daude.

Bizkaiko Garraio Partzuergoak aurten ere Umeen Gabonetako Parkean parte hartuko du Metro Bilbaorekin lankidetzan. Bertan, stand bat jarriko du haurrek eta gazteek ondo pasa dezaten. Gainera, garraio publikoa zein Barik txartela erabiltzea sustatuko dute. Hiru espazio bereiziko dira, eta adin ezberdinekoei zuzendutako eskaintzak egongo dira: bost tren-, funikular-, autobus- eta metro-geltoki dituen ginkana bat; margotzeko eremu bat; eta 0 urtetik gorakoentzako ludoteka bat.

Bizkaiko Garraio Partzuergoaren (BGP) Kontseilu Nagusia eguerdian bildu da Bilboko egoitzan, eta 26 milioi euroko inbertsioak onetsi ditu, dagoeneko abian diren jarduketa eta azpiegitura estrategikoak 2018. urtean ere garatzen jarraitzea ahalbidetuko dutenak.

BGPk honako jarduketa hauek garatzen jarraituko du: Urbinagako aldageltokiak Metro Bilbaoren eta Adifen puntu horretako ustiapenen artean; Urdulizko trenbide-pasagunea eta geltokia lurperatzean sortutako azken jarduketak, udalerriko herritarrei amaitutako inguruaz gozatzeko aukera emango dietenak; trenbideak berritzea erabiltzaileei erosotasun eta segurtasun handiagoa emateko; material mugikorrean hobekuntzak egitea, erabiltzaileekin daukan hobetzeko konpromisoari jarraikiz; Arizko Aginte Postu Erredundantea garatzea, zerbitzuak segurtasun eta fidagarritasun handiagoa izan dezan; energia-eraginkortasunerako hobekuntzak egitea (eskailera mekanikoak, ateak...); eta erabiltzaileei arreta eta informazio hobea emateko beste jarduketa batzuk.

Era berean, azpimarratzekoak dira Barik txartelaren inplementaziorako inbertsioak, esaterako: elkarreragintasunean eta sistemaren segurtasunean egindako aurrerapenak, baita garraio-modu desberdinetan erabiltzeko titulu propioetatik eratorritako garapenak ere.

Bizkaiko Garraio Partzuergoak (BGP) Getxoko Gobelako metro-geltokiko estalkia aldatzeko obrak hasiko ditu azaroaren 13an, astelehena. Lanak egiteko 6 asteko epea aurreikusi da eta 60.000 euroko aurrekontua. Hain zuzen ere, erabiltzaileak babesteko markesina dute xede.

Markesinak altzairuzko egitura nagusi bat dauka, eta bertatik hormigoizko plaka batzuk eskegiko dira. Berritzea erabaki da eguraldi txarraren ondorioz egoera txarrean dagoelako. Hori horrela, erdialdeko erreten bat egitea pentsatu da, euriaren ura ondo hustu dadin.

Lehenengo astean, azaroaren 13tik 18ra (06:00), geltokia itxi beharko da obrengatik, nahiz eta lanak gauez egingo diren. Aipatutako egunetan ezin izango da Negubide etorbidean aparkatu, ezta bertara sartu ere 23:00etatik 06:00etara.

Gogoan izan, geltokia itxita egon arren, trenak ohi bezala ibiliko direla. Gobelako geltokiko erabiltzaileek Areeta edo Neguriko geltokiak erabili beharko dituzte bost egun horietan.

Bizkaiko Garraio Partzuergoaren (BGP) Kontseilu Nagusia eguerdian bildu da Bilboko bulegoan eta Metro Bilbaon 8 milioi euro baino gehiagoko inbertsio batzuk adjudikatzea erabaki du. Garrantzitsuenen artean azpimarratzekoak dira: Aginte Postu Zentralizaturako Aginte Postu Erredundantearen hornidura, 2.400.000 euroko zenbatekoagatik eta 24 hilabeteko egikaritze-epearekin; Ibarbengoa-Larrabasterra tartean trenbidea berritzea, 1.818.000 euroko zenbatekoagatik (16 hilabete); lehenengo tren aleen bidaiarientzako ateak egokitzea (500. seriea), 1.245.000 euroko zenbatekoagatik (48 hilabete); katenaria mantentzeko dresina bat hornitzea, 1.200.000 euroko zenbatekoagatik (12 hilabete); tren-gurpilak eta material osagarria profilatzeko tornu berri bat hornitzea, 1.036.000 euroko zenbatekoagatik (12 hilabete), eta Lutxanako azpiestazioaren estalkia ordezkatzea, 332.000 euroko zenbatekoagatik (4 hilabete).

Bestalde, Bizkaiko Garraio Partzuergoak Barik txartela saltzeko, biltzeko, laguntzarekin kargatzeko, biltegiratzeko eta banatzeko kanpo-komertzializazio sare bat ezartzeko eta ustiatzeko zerbitzua kontratatzeko espedientea onetsi du. Hau da, tabako-dendetan, kioskoetan, tokiko saltokietan eta abarretan egin ahal izatea; izan ere, hiriguneetatik kanpoko lekuetan eta landa-eremuetan 2016. urteko kargatzeen zenbatekoa 20 milioi eurotik gorakoa izan zen.

Azkenean, Bizkaiko Garraio Partzuergoak onetsi du Kantabriako Centro Tecnológico en Logística Integral fundazioarekin zuen lankidetza-hitzarmena luzatzea, Kantabriako Gobernuaren mende dagoen entitateak hala eskatu eta gero. Hitzarmenaren xedea da Kantabriako garraio publikoan kontakturik gabeko txartela ezartzen laguntzea eta partzuergoaren esperientziaren berri ematea. Hitzarmen horren bitartez, BGP lankidetzan arituko da Bizkaiko ereduaren antzeko beste bat ezartzeko hainbat alderdiri dagokionez: eskema, ezaugarriak, garapena, teknologia, zehaztapenak...

Bizkaiko garraio publikoko 11 BAB (bezeroentzako argibide bulegoak) jarriko dira martxan azaroaren 7an, Bizkaiko erakunde nagusien eta garraio publikoko operadoreen arteko akordioari esker, eraginpeko erakunde guztietako ordezkariek gaur goizean bertan emandako prentsaurrekoan iragarri dutenez.

Horren ondorioz, orain arte operadore bakar gisa garraio modu bakarreko gorabeherei, kudeaketei eta abarri erantzuna eman izan dieten bulegoek zerbitzu osoa emango dute aipaturiko egunetik hasita, Bizkaiko garraio publikoko sistemarekin loturiko edozein arlotan arreta eskainita. Operadoreek gaur dituzten gainerako informazio-guneek orain arte moduan jarraituko dute lanean.

Agerraldian, honako hauek hartu dute parte: Eusko Jaurlaritzatik, Azpiegitura eta Garraioetako Antonio Aiz sailburuordeak; Bizkaiko Foru Aldunditik, Bizkaiko Garraioa, Mugikortasuna eta Lurraldearen Kohesioa Sustatzeko Saileko foru diputatuak; Bilboko Udaletik, Mugikortasun eta Iraunkortasuneko Alfonso Gil zinegotziak; Estatuko Administraziotik, Renfek EAEn duen Julián Padierna gerenteak eta Bizkaiko Garraio Partzuergotik, Manuel Tejada zuzendari gerenteak.

BAB berriek Barik transakzio guztiak egiteko ahalmena izango dute, Barik txartel pertsonalizatuak ematea barne. Sisteman atxikiriko operadore guztiei buruzko informazio orokorra eskainiko dute: ordutegiak, lineak, tarteak, tarifak, ibilbideak, etab., eta operadore guztien kexei eta erreklamazioei emango diete erantzuna. Horretarako, erreklamazio-orriaren eredu bera izango dute.

Horiek funtzio guztiak ez dira egiten gaur egun erabiltzailearen arretarako ezein kabinatan edo bulegotan. Izan ere, operadore bakoitzak bere zerbitzuari buruzko informazioa eskaintzen du edo bere tituluak kudeatzen ditu.

Hemendik aurrera, gertatzen diren gorabehera edo kudeaketa guztiei emango die erantzuna BAB kudeatzen duen operadoreak, bere garraio moduarekin zerikusia izan zein ez. Egoerarik gehienetan, berak emango du erantzuna, eta hori egiterik ez badu, Bizkaiko Garraio Partzuergoari (BGP) emango dio, ebazpena eman dezan edo entitate eskudunari helaraz diezaion. Horri esker, beharrezkoak ez diren bidaiak, izapideak edo eragozpenak saihestuko dira. Hala, herritarrek Bizkaiko garraio publikoari buruz duten irudipen bateratua handitu nahi da, egin beharreko kudeaketak edo argibideak biltzeko “gune” bakarra emanez.

Metro Bilbaok Errumaniako ordezkaritza baten bisita ofiziala hartu zuen atzo, Bizkaiko garraio publikoa hurbiletik ezagutzeko xedez etorritakoa. Metro Bilbaoko zuzendari nagusia, Eneko Arruebarrena, eta Bizkaiko Garraio Partzuergoko (BGP) zuzendari nagusia, Manu Tejada, anfitrioi gisa aritu dira Errumaniatik jasotako bisitarekin. Honako hauek izan dira Errumaniako ordezkaritza osatu dutenak: lehendakaria eta lehendakariordea, Iustin Cionca eta Silviu Huduzeu hurrenez hurren, Hunedoarako alkatea, Mircea Flaviu, eta Timisko alkatea, Calin Ionel.