CTB-ek informatzen du

17/11/2022

Abenduaren 1ean Larrabetzu udalerria 3 tarifa-eremutik 2 eremura pasatuko da

Bizkaiko Garraio Partzuergoak jakinarazten du abenduaren 1ean Larrabetzu udalerria 3 tarifa-eremutik 2 eremura pasatuko dela.

Bizkaiko Batzar Nagusiek eta Bizkaiko Mugikortasuneko Agintaritzak hartu dute neurri hori, lurraldeak tarifa bateratuen eredu egokia lortzeko aurrerapausoak emateko.

14/11/2022

Bihartik aurrera, hilak 15, MUGI txartelarekin bidaiatzeko aukera egongo da Metro Bilbaon

Bihartik aurrera MUGI txartela erabili ahal izango da Metro Bilbaon. Creditrans diru-zorroaren tarifa aplikatuko da.

Horretarako, BGPk dagokion kontratuaren lizitazioa eta izapideak egin ditu, eta, gainera, Metro Bilbaon MUGI txartelaren elkarreragingarritasuna baimentzeko beharrezkoak diren garapen-lanak egin ditu.

Horrela, beste pauso bat eman da elkarrerangigarritasunearen alde eta dauden hiru garraio-txartelak —BAT, BARIK eta MUGI, bat lurralde bakoitzeko— euskal garraio publikoaren sare osoan berdin erabili ahal izateko. Proiektu hori erakunde eta operadore askoren arteko lankidetzari esker burutu da, besteak beste, Eusko Jaurlaritza, Euskadiko Garraio Agintaritza (ATE), Gipuzkoako Garraioaren Lurralde Agintaritza (TGG), Bizkaiko Garraio Partzuergoa (BGP) eta Metro Bilbao.

31/08/2022

Dagoeneko bidaiatu ahal da KBus Busan, Barik txartelaren behin-behineko abonu multimodalekin

Irailaren 1etik bidaiatu ahal da Kbusean (Barakaldo), Barik txartelaren behin-behineko abonu multimodalekin.

Creditrans eta Gizatrans titulu diru-zorroak ez ezik, Barakaldoko hiribusean, Kbus, dagoeneko Barik txartelearen Bidai 50, Bidai 70, Bidai Oro, Gazte 70 eta Gazte Oro tituluekin ere bidaia daiteke

Gure web-orriaren hurrengo loturan bere titulu guztietako tarifak ikus ditzakezu: https://labur.eus/kZfb1

25/08/2022

BGP-ak aldi baterako tituluen eta Creditrans-en tarifak % 50 murriztea onartu du

Bizkaiko Garraio Partzuergoaren (BGP) Kontseilu Nagusiak behin betiko onartu du gaur "Bizkaiko Garraio Partzuergoaren tituluen erabiltzaileei bidaiarien garraio publikoko zerbitzua emateagatiko tasak arautzen dituen Ordenantza Fiskala" aldatzea. Ordenantza horrek %SOeko murrizketa aplikatuko du garraioko eta creditranseko aldi baterako tituluen tarifetan aurtengo azken lauhilekoan.

Onartutako aldaketak barne hartzen ditu Espainiako Gobernuak Ukrainako gerraren ondorioei erantzuteko ekainaren 2Seko 11/2022 Errege Lege Dekretuaren 2. artikuluan hirietako eta hiriarteko lurreko garraio publikoari begira ezarritako zuzeneko laguntzak, eta, gainera, hobari handiagoa jasotzen du, euska l erakundeen arteko akordioari esker. Akord io horren bidez, Eusko Jaurlaritzak eta Bizkaiko Foru Aldundiak laguntzak osatuko dituzte, Estatuak ezarritako % 30eko hobaritik Bizkaian aplikatuko den % SOera pasatzeko.

Murrizketa hori irailaren letik abenduaren 31ra arte egongo da indarrean; beraz, urtarrilaren letik aurrera, tarifak % 100ean ordainduko dira. Eta BGPko aldi baterako titu lu guztietan aplikatuko da, baita creditrans eta giza tituluetan ere, baina ez noizbehinkako titu luan (joaneko txartela), akordio honetatik kanpo geratzen baita.

Tarifen murrizketa hori honako zerbitzu hauetan aplikatuko da: metro Bilbaoko l., 2. eta 3. lineetan, Bizkaibusen Gazte tituluko zerbitzuan, Sopelako eta Leioako tokiko autobuszerbitzuetan eta Bilbobusen Gazte tituluko zerbitzuan. Hitzarmen honetan jasota ez dauden zerbitzuen (Bilbobus, Bizkaibus, Etxebarribus, Kbus) kreditu-tituluak kasuan kasuko erakunde eskudunek onartu behar dituzte.

BGPko Kontseilu Nagusiak abuztuaren 2Sean hartutako erabakiaren bidez, tarifetan hobariak 2022ko urtarrilaren letik abenduaren 31ra bitartean izango duen

06/05/2022

BEC-en aparkalekuaren erabiltzaileentzako oharra

Ekainaren 13tik 17ra bitartean, BEC-en izango den Makina Erremintaren Nazioarteko Bienala dela eta, ezin izango da BEC-en aparkalekua erabili. Barkamenak eskatzen dizkizuegu eragozpenengatik.

30/11/2021

Garraio Partzuergoak Barik Mobile proiektu pilotu aurreratu du

Bizkaiko Garraio Partzuergoak Barik Mobile proiektua garatzen ari da. Horren bitartez, Barik txartela zure telefono mugikorrean bertan eraman dezakezu.

Teknologia berri hau hartzen duen proiektuaren konplexutasuna kontuan hartuta, beharrezkoa zen aldez aurretik proba pilotu bat martxan jartzea. Hasiera batean, Gazte 70 edo Gazte Oro tituluen erabiltzaileei zuzendu zitzaien. Titulu horiek, hain zuzen ere, metro-sisteman, Bizkaibusen, Euskotrenen, Euskotranen, Lejoan Busen, Sopelbusen eta Larreinetako funikularrean erabili ahal ziren

Azaroaren 30etik aurrera, kolektibo horrek bere diru-zorroarekin bidaiatzeko aukera ere izango du Metro zerbitzuan, Bizkaibus, Euskotren, Bilboko Tranbian, Lejoan Busan, Larreinetako Funikularrean Sopelbusen, Bilbobusen, Artxandako Funikularrean, Kbusen, Etxebarri Busen, Erandio Busen eta Ereagako Igugailuan bidaiatzeko.

Proba pilotuari esker, ondorioak atera ahal izango dira Barik Mobile gainerako bidaiariei helarazteko; izan ere, Barik txartelaren abantaila eta deskontu guztiak eskuratu ahal izango dituzte beren telefonoa bakarrik erabiliz.

Parte hartzeko baldintzak honako hauek dira:

  • Barik Sistemako Gazte erabiltzailea izatea (26 urte baino gutxiago edukitzea eta Bizkaian erroldatuta egotea), bai eta normalean Gazte 70 edo Gazte Oro tituluekin bidaiatzea ere.
  • Honako hau duen telefono mugikor bat edukitzea: NFC teknologia eta Android 8.0 sistema eragilea edo hori baino berriago bat.
  • • Proba pilotuan parte hartzeko eskaera egitea. BGP arduratuko da parte hartzea onartzeaz, baldintzak betetzen direla egiaztatu eta gero

Proiektu pilotuan parte hartu nahi izanez gero, irakurri Parte hartzeko baldintzak eta eman izena

Zozketa bat egingo da parte-hartzaileen artean, eta hiru hilabetez garraio publikoa doan erabiltzeko saria banatuko da.

22/11/2021

Herritarrek parte hartzeko epea irekitzea

“Bilbo Metropoliko Trenbidearen lineetako zarataren eta bibrazioen aurkako Ekintza Plana. 2021-2024 aldia” izenekoa onartzeko prozeduran hiritarrek partehartzeko epea zabaltzen da.

Herritar orori jakinarazten zaio 2003/4/CE eta 2003/35/CE Zuzentarauak inkorporatzen dituen Ingurumen alorrean informazioa eskuratzeko, partehartze publikorako eta justizia izateko eskubideak araubtzen dituen uztailaren 18ko 27/2006 Legearen 3, 16 eta 18 artikuluetan xedatutakoaren arabera herritaren partehatzea epea zabaldu dela honakoa onartzeko prozesuaren barruan: “Bilbo Metropoliko Trenbidearen lineetako zarataren eta bibrazioen aurkako Ekintza Plana onestea / 1513/2005 Errege Dekretuaren eta 213/2012 Erkidegoko Dekretuaren betearazpena. 2021-2024 aldia”. Horretarako, web honetan, Zaratei buruzko arautegiari lotutako agiriak atalean, Ekintza Planaren proposamena argitaratzen da, hilabeteko epean, nahi dituzten iradokizun eta iritziak adieraz ditzaten herritarrek, Partzuergo honetara ohiko bideetatik bidalita (partzuergoa@cotrabi.eus).

20/09/2021

Gaurtik aurrera Barik txartelarekin bidaiatu ahal izango zara Gazteizko hiri-autobusetan

Bizkaiko Garraio Partzuergoak (BGP) jakinarazi du gaurtik aurrera Barik txartela erabili ahal izango dela Vitoria-Gazteizko hiri-autobusen línea guztietan. BGPk, halaber, gogorarazi nahi du Gasteizko tranbiak eta Arabako errepide bidezko bidaiarien garraioko foru lineek Barik txartelarekin bidaiatzea onartzen dutela. BAT diru-zorro orokorraren tarifa aplikatuko da.

08/03/2021

Sopelbus, Sopelako zerbitzuak Barik Sistemarekin egingo du bat

Bihartik, martxoaren 9tik, Sopelako autobus zerbitzuak Barik sistemarekin egingo du bat, eta Barik txartelaren titulu guztiekin (diru-zorroak, Bidai eta Gazte epe-tituluak) bidaiatu ahal izango da, baita Bilbao Bizkaia Card txartel turistikoarekin ere.

Gure web-orriaren hurrengo loturan bere titulu guztietako tarifak ikus ditzakezu: https://www.ctb.eus/eu/garraio-publikoaren-tarifak

15/02/2021

Garraio Partzuergoa Barik Mobile proiektu pilotuko parte-hartzaileak erakartzen hasi da

Bizkaiko Garraio Partzuergoak (BGP) Barik Mobile proiektua merkaturatuko du datozen hilabeteetan. Horren bitartez, Barik txartela zure telefono mugikorrean bertan eraman ahal izango duzu.

Teknologia berri hau hartzen duen proiektuaren konplexutasuna kontuan hartuta, beharrezkoa da aldez aurretik proba pilotu bat martxan jartzea. Hasiera batean, Gazte 70 edo Gazte Oro tituluen erabiltzaileei zuzenduko zaie. Titulu horiek, hain zuzen ere, metro-sisteman, Bizkaibusen, Euskotrenen, Euskotranen, Lejoan Busen eta Larreinetako funikularrean erabili ahal dira.

Proba pilotuari esker, ondorioak atera ahal izango dira Barik Mobile gainerako bidaiariei helarazteko; izan ere, Barik txartelaren abantaila eta deskontu guztiak eskuratu ahal izango dituzte beren telefonoa bakarrik erabiliz.

Parte hartzeko baldintzak honako hauek dira:

  • Barik Sistemako Gazte erabiltzailea izatea (26 urte baino gutxiago edukitzea eta Bizkaian erroldatuta egotea), bai eta normalean Gazte 70 edo Gazte Oro tituluekin bidaiatzea ere.
  • Honako hau duen telefono mugikor bat edukitzea: NFC teknologia eta Android 8.0 sistema eragilea edo hori baino berriago bat.
  • Proba pilotuan parte hartzeko eskaera egitea. BGP arduratuko da parte hartzea onartzeaz, baldintzak betetzen direla egiaztatu eta gero.

Proiektu pilotuan parte hartu nahi izanez gero, irakurri parte hartzeko baldintzak eta eman izena otsailaren 17a baino lehen.

Zozketa bat egingo da parte-hartzaileen artean, eta hiru hilabetez garraio publikoa doan erabiltzeko saria banatuko da.

EranskinaTamaina
PDF icon Parte hartzeko baldintzak48.31 KB
16/11/2020

Bizkaiko Garraio Partzuergoak iOSen erabiltzeko Barik NFC aplikazio berria probatzeko faseari ekingo dio

Bizkaiko Garraio Partzuergoak iOSen erabiltzeko Barik NFC aplikazio berria probatzeko faseari ekingo dio, App Storen masiboki argitaratu aurretik. App horren bidez, Barik txartelak kargatu eta kontsultatu ahal izango dira 7 bertsiotik aurrerako iPhone-etan.

Proban parte hartu nahi baduzu, aplikazioa deskargatu dezakezu esteka honen bidez: https://apps.apple.com/es/app/barik-nfc/id1519068742

Instalatzerakoan edo probak irauten duen bitartean arazorik izanez gero, jar zaitez gurekin harremanetan lagundu zaitzagun: barikctb@gmail.com

28/05/2020

Trengintza Hiztegitik Trengintza Atarira

Trengintza Hiztegiaren atariak (www.trenhiztegia.eus) trenaren eta trengintzaren arloko baliabide bi biltzen ditu: aipatutako erakundeek elkarlanean osatutako Trengintza Hiztegia, batetik, eta Mario Leónek argitaratutako Diccionario del tren eta Diccionario políglota del tren hiztegien bilduma, bestetik. Kontsulta bat egitean, bi baliabide horien edukiez gain, Wikipediaren edukia ere automatikoki bistaratzen da.

Bizkaiko Garraio Partzuergoa, CAF, Metro Bilbao, Euskotren eta Euskal Trenbide Sarea erakundeek aurrera jarraitzen dute trengintzaren arloan elkarren arteko harremana eta elkarlana sustatzen. 2016an hasi zen Elhuyarrekin batera trengintza-hiztegia osatzen joateko bidaia, eta oraingoz ez du etenik. Azken hilabeteetan Elhuyarrek egindako lanei esker, kontsulta-interfazeak aukera ematen du atari honetan bildu diren bi baliabideetan batera bilatzeko. Trengintza Hiztegian, lau hizkuntzatako terminoak daude: gaztelania (es), euskara (eu), frantsesa (fr) eta ingelesa (en). Mario Leónen Diccionario del tren eta Diccionario políglota del tren hiztegietan, berriz, bederatzi hizkuntza landu dira; aurreko laurez gain, alemana (de), galegoa (ga), italiera (it), katalana (ca) eta portugesa (pt). Azkenik, bilatutako terminoa zuzenean Wikipedian bilatzen du.

EranskinaTamaina
PDF icon Informazio gehiago252.2 KB
23/05/2020

Ekainaren 15ean irekiko da Ibarbengoako aldirietako aparkalekua

Guztira, 295 plaza izango ditu aparkalekuak eta ekarriko du Metro Bilbaoko geltokia ere irekitzea; zuzeneko sarbidea egongo da aparkalekutik geltokira.

Metroak Getxon duen zazpigarren geltokia izango da Ibarbengoakoa. 2. zonako tarifa izango du.

Ekainaren 15ean, Getxoko Ibarbengoako aldirietako aparkalekua hasiko da funtzionatzen; horrek ekarriko du Metro Bilbaok izen bereko geltokia irekitzea. Geltokia metroaren 1. linearen barruan dago (Etxebarri-Plentzia).

Azpiegitura publiko hau Andra Mari auzoko geltoki bat da. Aparkalekuak, guztira, 295 plaza ditu, hiru solairutan (haietako bi lurpean); haietatik, 9 mugikortasun murriztuko pertsonentzat izango dira eta 5 zamalanak egiteko.

36 hilabete behar izan dira aparkalekuaren lanak eta sarbideak hobetzeko lanak egiteko, ETSk (Euskal Trenbide Sarea), euskadiko trenbide azpiegituren kudeaketaz arduratzen den erakundeak, egin ditu, eta guztira, 5.560.901 euroko kostua izan dute (Bizkaiko Garraio Partzuergoak finantzatuta). Metro Bilbaoren laugarren aldirietako aparkalekua izango da Ibarbengoakoa; beste hirurak Leioan, Etxebarrin, eta Bilbao Exhibition Centren (BEC) daude.

Instalazio berri hauen bidez, inguruetan bizi diren egoiliarrei erraztu nahi zaie garraio publikoaren erabilera; inguru horiek dentsitate txikikoak dira eta metroaren eragin-eremutik daude. Hala, erabiltzaileek aukera izango dute autoan bide txiki bat egiteko eta aurrezteko Bilboko geltokiraino dauden 16 kilometroak, bai eta goizetan La Avanzadan egunero egoten diren auto-pilaketak ere.

Ibarbengoako geltokiak izango duen maiztasuna 2. lineako altuena izango da; beraz, gainerako geltokiek baino abantaila gehiago izango ditu erabiltzaileak erakartzeko. Era honetan, konexio-aparkalekuen oinarrizko bi funtzio betetzen dira: mugikortasunari lotutako baliabideen kontsumoa gutxitzea eta auto-pilaketen ondorioak murriztea.

Ekainaren 15ean irekitzen denean, Ibarbengoako aparkalekua izango da Bizkaiko Garraio Partzuergoko lauren artean datu onena izango duena autoan eginiko distantziaren eta garraio publikoan eginiko distantziaren arteko harremanari dagokionez. Bestela esanda, irteera-puntutik helmugaraino, autoaren erabilera oso portzentaje txikia izango da metroaren erabileraren portzentajearen aldean.

12/05/2020

Zure etxea jasangarriagoa egitea saria du!

Programetan hainbat gairekin erlazionatutako aspektuak lantzen ditugu, hala nola, uraren kontsumo arduratsua, mugikortasuna, erosketa iraunkorrak, hondakinen kudeaketa, energiaren kontsumoa, elikadura, eta abar.

BerrAktibatu+ programaren bidez, herritarrei bizi ohiturak aldatzen lagundu nahi diegu, Euskadi gero eta leku iraunkorragoa izateko. Programa berri hau 2012 eta 2018 urteen artean Bizkaian landutako Aktibatu+ programaren ondorengoa da. Aktibatu+ programan 4.000 familia, 112 udalerri, 66 ikastetxe eta 3 unibertsitatek parte hartu zuten. 57.000 pertsona aritu ziren horretan, guztira.
BerrAktibatu+ 2018 eta 2021 urteen artean garatuko da Euskadin. Familia, ikastetxe eta unibertsitateei zuzenduta dago eta doako hiru programa espezifiko ditu, modu paraleloan garatzen direnak. Web orrian, www.reactivatemas.eus, informazio gehiago aurkituko duzu.
Bizkaiko Foru Aldundiaren ekimena da, Eusko Jaurlaritzarekin, Bilbao Bizkaia Ur partzuergoarekin, Bizkaiko Garraio Partzuergoarekin (BGP), Metro Bilbaorekin, Eroski Taldearekin eta “La Caixa” Gizarte Ekintzarekin elkarlanean garatua. Global Action Plan (GAP) izeneko planean oinarritua dago.
Izena eman nahi duten familia edo etxeek doan egin dezakete, programaren webgunean: www.reactivatemas.eus.

11/05/2020

Iraungitako txartelen saldoak eskualdatzeko graziazko denbora 4 hilabetetik 6ra luzatzea eta aldi baterako tituluen zenbatekoak itzultzeari buruz

Koronabirusaren krisiaren ondorioz, eta 2020ko azaroaren 10era arte, iraungitako txartelen saldoa eskualdatzeko graziazko denbora 4 hilabetetik 6 hilabetera luzatzen da, Bizkaiko Garraio Publikoaren Bulegoak itxita egon diren ia bi hilabeteko tartean, kalterik ez egiteko graziazko denbora barruan egon diren Barik txartel guztiei

Bestalde, BGPk Covid-19aren krisia dela-eta Barik txartelean aldi baterako tituluen zenbatekoak itzultzeari buruz hartutako salbuespenezko neurriak ez zaizkie aplikatuko gaur maiatzaren 11tik aurrera eskuratutako aldi baterako tituluei.

04/05/2020

MAIATZEAN IRAUNGITZEN DIREN BARIK TXARTELEN INDARRALDIA LUZATZEA

Alarma-egoera mantentzea dela eta, zure Barik txartela maiatzean iraungitzen bada, eta BGPk ulertuta, luzapen gehigarri horrekin Barik sistemaren ratio teknikoak bermatuko direla, honako leku hauetan birkargatu edo kontsulta egin ahal izango duzu luzatzeko, txartela iraungi baino lehen:

- CTBren BARIK NFC APPan, Google Playtik deskargatuta
- Metro Bilbao, Euskotran eta Renfeko saltzeko makinetan
- Bilbobus eta Bizkaibuseko kabinetan Kiosko
- Bizkaia Zubian
- Kioskoen eta estankoen sarean

04/05/2020

OHARRA

Maiatzaren 11tik aurrera, berriz egin ditzakezu Barik txartelaren kudeaketak Bizkaiko Garraio Publikoaren Bulegoetan.

Arreta ematen jarraitzen dizugu barikctb@cotrabi.eus helbide elektronikoaren eta 94 685 5000 telefonoaren bidez.

18/03/2020

OHARRA: BABak ITXITA

COVID-19 krisia dela eta, Bizkaiko Garraio Publikoko Bulegoen sare guztia aldi baterako itxita egongo da jendearentzat Barik-eko kudeaketak egiteko, bestelakorik esan arte.

Jendearentzako arreta emango dugu email honen bidez barikctb@cotrabi.eus baita teléfono honen bidez ere: 94 685 5000

17/03/2020

OHARRA

COVID-19 krisia dela eta, Bizkaiko Garraio Publikoko Bulego Sare guztia itxita egongo da, aldi baterako, bihartik, hau da, martxoaren 18tik aurrera.
Jendearentzako arreta email honen bidez barikctb@cotrabi.eus baita teléfono honen bidez ere: 94 685 5000

17/03/2020

Barik txarteleko aldi baterako, Bidai eta Gazte, tituluen zenbatekoak itzultzeari buruzko salbuespenezko neurriak.

COVID-19 krisia dela eta deuseztatuko dira aldi baterako tituluak, Bidai eta Gazte, erabiltzaileek halan eskatzen badute. Neurri hori, Barik txartelaren diru-zorroan itzuliz egingo da, bonuan erabili gabeko denborari dagokion zenbatekoa berreskuratuz. Hori kalkulatzen da azkenengoz erabili den egunetik aurrera, bonua iraungi arte.

Erabiltzaileak itzultzeko eskatu beharko du beren-beregi, eta, edonola ere, haren Barik txartelaren zenbakia, izena eta abizenak adierazi. Egin email honen bidez barikctb@cotrabi.eus baita teléfono honen bidez ere: 94 685 5000

Orriak